ມີໜ້າທີ່ ດັ່ງນີ້
- ຄົ້ນຄວ້າ,ເຊື່ອມຊຶມ, ຜັນຂະຫຍາຍແນວທາງນະໂຍບາຍຂອງພັກ ແລະ ລັດຖະບານ, ແຜນຍຸດທະສາດ ປະຕິຮູບສາທາລະນະສຸກ ກ່ຽວກັບວຽກງານການບໍລິການປິ່ນປົວພາກເອກະຊົນ ມາເປັນແຜນງານ, ແຜນ ງານຍ່ອຍ, ໂຄງການ ແລະ ກິດຈະກຳ ລະອຽດຂອງຕົນເອງ ພ້ອມທັງຈັດຕັ້ງປະຕິບັດໃຫ້ປະກົດຜົນເປັນຈິງ;
- ຄົ້ນຄວ້າ, ສ້າງ ແລະ ປັບປຸງ ຮ່າງກົດໝາຍ, ຍຸດທະສາດ, ນະໂຍບາຍ ແລະ ລະບຽບການຕ່າງໆ ກ່ຽວກັບ ການຄຸ້ມຄອງ ແລະ ການເຄື່ອນໄຫວ ຂອງສະຖານທີ່ບໍລິການປິ່ນປົວຂອງພາກເອກະຊົນ, ສະຖານທີ່ ບໍລິການຕົບແຕ່ງ, ເສີມຄວາມງາມ ແລະ ການນໍາໃຊ້ Stem Cell
- ຄົ້ນຄວ້າ,ສ້າງ ແລະ ປັບປຸງ ການກຳານົດມາດຕະຖານ ໂຄງລ່າງພື້ນຖານ, ບຸກຄະລາກອນ, ອຸປະກອນ ການແພດ ແລະ ລາຍການການບໍລິການປິ່ນປົວທີ່ຈຳເປັນ ຂອງສະຖານທີ່ບໍລິການປິ່ນປົວພາກເອກະຊົນ
- ຄົ້ນຄວ້າ ແລະ ນໍາສະເໜີລັດຖະມົນຕີ ອອກ, ໂຈະ ແລະ ຖອນ ໃບອະນຸຍາດສ້າງຕັ້ງ ແລະ ລະ ເຄື່ອນໄຫວ ບໍລິການປິ່ນປົວຂອງພາກເອກະຊົນ ຕາມລະບຽບຫຼັກການ
- ຄົ້ນຄວ້າ ແລະ ນຳສະເໝີກົມ ຂໍຕໍ່ໃບອະນຸຍາດ ເຄື່ອນໄຫວບໍລິການໂຮງໝໍເອກະຊົນ,ສູນປິ່ນປົວການ ແພດສະເພາະວິຊາເອກະຊົນ ຂັ້ນ 1,ຂັ້ນ 2, ຂັ້ນ 3 ຕາມລະບຽບການ
- ຄົ້ນຄວ້າ ແລະ ນໍສະເໜີກົມເພື່ອຂໍຕໍ່ໃບອະນຸຍາດສ້າງຕັ້ງຫ້ອງກວດພະຍາດເອກະຊົນ ຂັ້ນ1,ຂັ້ນ2 ຕາມ ລະບຽບຫຼັກການ
- ຄື້ນຄວ້າ ແລະ ມີຄຳເຫັນທາງດ້ານວິຊາການ ເພື່ອນໍາສະເໜີກົມ ກ່ຽວກັບການຂໍນໍເຂົ້າເຄື່ອງມື ແລະ ອຸປະກອນການແພດທີ່ມາຮັບໄຊ້ຢູ່ສະຖານທີ່ບໍລິການປິ່ນປົວຂອງໂຮງໝໍເອກະຊົນ ຕາມລະບຽບ ຫຼັກການ
- ຄົ້ນຄວ້າ, ກຳານົດ ແລະ ຄຸ້ມຄອງ ຄ່າບໍລິການປິ່ນປົວ ໃນສະຖານທີ່ບໍລິການປິ່ນປົວຂອງພາກເອກະຊົນ ໂດຍສົມທົບກັບພາກສ່ວນກ່ຽວຂ້ອງ
- ຄົ້ນຄວ້າ,ແກ້ໄຂ ແລະ ນຳສະເໜີການປະຕິບັດມາດຕະການຕໍ່ຜູ້ລະເມີດ ກ່ຽວກັບການເຄື່ອນໄຫວ ແລະ ບໍລິ ການປິ່ນປົວ ບໍ່ສອດຄ່ອງກັບລະບຽບຫຼັກການຂອງພາກເອກະຊົນ ໂດຍສົມທົບກັບພາກສ່ວນທີ່ກ່ຽວຂ້ອງ
- ປະສານສົມທົບກັບພາກສ່ວນກ່ຽວຂ້ອງ, ຄົ້ນຄວ້າ, ມີຄຳເຫັນທາງດ້ານວິຊາການ ກ່ຽວກັບການຮ້ອງທຸກ, ຮ້ອງຟ້ອງ ທີ່ໄປໄຊ້ບໍລິການຢູ່ສະຖານທີ່ບໍລິການປິ່ນປົວຂອງພາກເອກະຊົນ ຕາມລະບຽບຫຼັກການ
- ປະສານສົມທົບ, ຮ່ວມມື ແລະ ແລກປ່ຽນທາງດ້ານວິຊາການປິ່ນປົວ ລະຫວ່າງ ພາກເອກະຊົນ ແລະ ພາກລັດ
- ຂຶ້ນແຜນ, ສະຫຼຸບ ແລະ ຕິດຕາມ ການນໍາໄຊ້ງົບປະມານ ການຈັດຕັ້ງປະຕິບັດກິດຈະກຳພາກສົ່ງເສີມ (ພາກ 63) ທີ່ນໍາໄຊ້ງົບປະມານລັດຖະບານຂອງພະແນກ ຕາມໄຕຼມາດຂອງປີ
- ຕິດຕາມ, ຊຸກຍູ້,ກວດກາ ແລະ ປະເມີນ ການເຄື່ອນໄຫວບໍລິການປິ່ນປົວຂອງພາກເອກະຊົນ ໃນຂອບ ເຂດທົ່ວປະເທດ ແຕ່ລະໄລຍະ
- ເກັບກຳ, ສັງລວມ ແລະ ລາຍງານຂໍ້ມູນ ການບໍລິການປິ່ນປົວ, ບຸກຄະລາກອນ ແລະ ເຄື່ອງມືອຸປະກອນ ການແພດ ໃນສະຖານທີ່ບໍລິການປິ່ນປົວຂອງພາກເອກະຊົນ ຂອບເຂດທົ່ວປະເທດ ແຕ່ລະໄລຍະ
- ຂຶ້ນແຜນກິດຈະກຳແລະ ແຜນງົບປະມານ ພ້ອມທັງ ສຳເນົາ ແລະ ເກັບມ້ຽນເອກະສານ ຂອງພະແນກ
- ສະຫຼຸບ, ສັງລວມ ແລະ ລາຍງານ ສະພາບການເຄື່ອນໄຫວວຽກງານຂອງພະແນກ ປະຈຳອາທິດ ແລະ ເດືອນ ເພຶ່ອສົ່ງໃຫ້ພະແນກບໍລິຫານ
- ປະຕິບັດໜ້າທີ່ອື່ນ ຕາມການມອບໝາຍຂອງຄະນະກົມ
